Месото во продавниците пристигнува во разни форми и не е секогаш лесно да препознаете кое е свежо и квалитетно, особено ако е мелено.
Иако многумина мислат дека е нездраво, мастите во месото е од значење за неговата арома, вели Елизабет Рисицке од Германскиот земјоделски центар. Квалитетното месо мора да има и малку маснотии, а тоа се гледа по белите линии кои наликуваат на вени со кои месото е прошарано.
Освен тоа, ако купувате пакувано месо, во него не смее да има вода. Пред да го купите, добро разгледајте го, за тоа не ви се потребни повеќе од 5 секунди.
„Ако месото лежи во крвава вода, тоа значи дека е старо“, нагласи Рисицке.
Идеалната боја зависи од тоа за кое месо станува збор. Телешкото би требало да биде светло, но не бело. Говедското треба да биде средно црвено, но не премногу темно. За свинското месо идеална е бледо розовата боја. Треба да ги избегнувате сите сивкасти нијанси на месо.
Има уште еден начин за едноставна проверка за тоа дали пакуваното месо е уште свежо. Ако притиснете со прст, мора да се врати во првобитната состојба и не смее да остане вдлабнатина, додека површината на месото мора да блеска.