Појадокот често се смета за најважен оброк во денот, а ако е добро избалансиран, може да обезбеди основни хранливи материи и енергија за остатокот од денот.
Сепак, не е важно само што јадеме за појадок, туку и кога го јадеме. Затоа, докторот Мајкл О. Мекини го откри идеалното време кога треба да го јадеме првиот оброк.
„Појадокот во рок од еден час по будењето се совпаѓа со природниот деноноќен ритам на телото, подобрувајќи го метаболизмот и употребата на енергија во текот на денот. Кога го храниме нашето тело рано наутро, тоа го започнува нашиот метаболизам за да не бидеме премногу гладни во текот на денот“, објасни докторот за SheFinds.
Кога појадуваме наутро, нашиот метаболизам започнува со работа, што доведува до поефикасно согорување на калории во текот на денот.
„Исто така, го нормализира шеќерот во крвта, што ја спречува желбата за нездрави грицки подоцна во текот на денот. Понатаму, здравиот појадок составен од протеини и влакна обезбедува континуирано ослободување на енергија потребна за зголемена физичка активност, што доведува до поголемо согорување калории“, вели Мекини.
Тој напоменува дека секојдневното јадење појадок ја намалува зачестеноста на јадењето, додека нè одржува сити и го зајакнува нашиот метаболизам, што помага да се задржат здравите навики и да се намали телесната тежина.
Сепак, Мекини нагласува дека ефектот на појадокот не е само кога го јадеме; нашиот избор на храна за појадок исто така игра значајна улога.
„Треба да јадете балансиран појадок како дел од вашата дневна рутина и да поттикнувате добри навики во исхраната во текот на денот“, заклучи докторот.
