По Реал Мадрид, позитивен на коронавирусот има и во Севиља, соопшти денеска клубот преку својата официјална веб-страница.
„Севиља ФЦ информира дека преку ПЦР тестовите направени во неделата при кои беа тестирани фудбалерите, стручниот штаб, како и остатокот од клубот, резултатите покажаа дека еден член на првиот тим е позитивен на COVID-19. Се работи за асимптоматски случај со добро здравје и веќе е ставен во самоизолација“, стои во клупското соопштение.
Клубот веднаш ги прекина сите активности кои ќе останат во мирување сѐ додека не се направи второ тестирање и на кое дколку сите останати се негативни, ќе може да се продолжи со тренинзи.
За разлика од Реал Мадрид, кој информираше дека позитивниот играч е Доминиканецот Маријано Дијас, Севиља се реши името на фудбалерот да не ѝ го открие на јавноста.
Сезоната во Шпанија веќе заврпши, но Севиља ја очекува продолжување на сезоната во Лига Европа каде наредниот четврток во осминафиналето треба да игра со Рома.
Веќе е сигурно дека позитивниот играч нема да биде дел од тој натпревар.
