Бодибилдерот Асел Суеид редовно експериментира со различни тренинзи на спортските и филмските ѕвезди, а овој пат пред себе го постави најтешкиот предизвик досега.
Асел одлучи еден цел ден да го јаде тоа што го јадат двајцата најсилни луѓе во светот, Брајан Шо и Еди Хол. Денот го започна со појадок што се состои од 8 јајца, три шолји ориз и чаша спанаќ со сок од портокал.
„Ова не е лошо, но не е ни добро“, коментираше тој.
За ручек јадеше месо со зеленчук и тестенини.
„Месото е прилично масно, очигледно е така е полесно да внесеш калории. Но, тоа е спротивно од тоа што ние обичните луѓе го бараме во храната. Мене ваквото јадење ме прави тромав“, објасни тој.
По ручекот изеде и десерт, со оглед на тоа што бодибилдерот има дијабетес тип 1 изеде колач од ванила без глутен,
По сето ова јадење тој отиде да тренира, а потоа мораше повторно да јаде. Овој пат јадеше месо и тестенини со ориз, а потоа и десерт.
Пред спиење мораше да внесе протеински шејк и три протеински плочки.
„Ова е лудо, не верувам дека можам да јадам вака секој ден, но ја почитувам нивната упорност и страст кон спортот“, заклучи Асел на крајот од видеото.