Тијаго Силва, исто како и другите членови на бразилската фудбалска репрезентација, е многу разочаран по вчерашната елиминација од Хрватска во четвртфиналето на Светското првенство. Силва го играше последниот Мундијал во кариерата и не успеа да дојде до посакуваниот трофеј.
– За жал, како играч нема да можам да го подигнам овој пехар. Кој знае, можеби подоцна, во друга улога, изјави капитенот на бразилската репрезентација во интервју за TV Globo.
Бразилците загубија од Хрватска со 4:2 на пенали откако претходно по 120 минути игра резултатот беше 1:1.
– Моравме да постигнеме повеќе голови, без разлика на противникот. Хрватска е одлична репрезентација. Не сме навикнати на вакви контранапади. Мислам дека игравме неорганизирано, додаде ветеранот.