Полицијата од Хамилтон, Канада објави дека е уапсен тинејџер кој украл криптовалути во противвредност од 46 милиони канадски или 36,5 милиони американски долари, пренесе Bloomberg.
Сопственикот на криптовалути, жител на САД, бил жртва на замена на SIM картичка. Напаѓачот го украл неговиот број на телефон, добил пристап до дигиталниот паричник со помош на „Sim swap“ напад и украл цело богатство.
Полицијата од Хамилтон соработувала со припадници на Тајната служба и ФБИ. Идентитетот на крадецот е откриен откако потрошил дел од парите за купување на редок кориснички профил за онлајн игри, доволно за полицијата да го идентификува.
Полицијата заплени околу 7 милиони канадски долари, односно 5,5 милиони американски долари од украдените криптовалути при апсење на тинејџерот.
Американската и канадската полиција велат дека ова е најголема кражба на криптовалути во историјата од една поединечна личност. Идентитетите на жртвата и на крадецот не се познати.
