Продолжувајќи со долгогодишната традиција, torrentfreak.com ја објавуви годишната листа на најпопуларни торент сајтови на почетокот на 2023 година.
Мерено според сообраќајот, YTS го зазема првото место, веднаш по 1337x. Сајтот за торенти за аниме NYAA, пак, влезе во првите три.
YTS останува на врвот на листата во 2023 година, и покрај фактот што страницата и нејзините корисници беа подложени на различни тужби во последните години.
Главниот домен YTS продолжува да привлекува милиони посетители дневно. Тоа е прилично големо достигнување ако се земе предвид дека страницата наведува само филмски торенти.
На годишната листа на популарни торент сајтови се наоѓаат добро познати брендови, а оваа година има некои забележителни дополнувања. Новите учесници се сајтови фокусирани на игри; skidrowreloaded.com и igg-games.com.
Двете нови имиња ги заменуваат TorrentGalaxy и LimeTorrents, кои останаа онлајн, но едноставно беа надминати во сообраќај.
Од Torrent Freak нагласуваат дека ја ограничиле листата на торент сајтови на англиски јазик, што значи дека сајтовите како Rutracker.org, Rutor.info, Dytt8.net и Etoland.co.kr не се вклучени, и покрај фактот што имаат значителен сообраќај.
Исто така, нагласуваат дека годишното рангирање се заснова на единечни имиња на домени. Доколку се земат предвид прокси-страниците и алтернативните домени, The Pirate Bay и други ќе се рангираа повисоко.
Подолу е целосната листа на првите десет најпосетувани домени на торент сајтови на почетокот на новата година. Списокот се заснова на различни извештаи за интернет сообраќај. Имајте предвид дека оваа листа е создадена како историски запис, за да се следи популарноста на овие сајтови низ годините.
Не препорачуваме, ниту одобруваме користење на која било од овие страници. Самата технологија BitTorrent не е нелегална, но може да се користи само за споделување содржина со дозвола од носителот на правата.
Топ 10 торент сајтови во 2023:
YTS
1337x
NYAA
RARBG
The Pirate Bay
FitGirl Repacks
Skidrow & Reloaded
IGGGAMES
EZTV
TorrentGalaxy
