Џоел Лобанзо, кој беше младинец на белгискиот фудбалски клуб Ројал Антверп, почина како последица на срцев удар.
Трагичната вест ја соопшти клубот на нивниот официјален Twitter профил.
Лобанзо претрпел срцев удар додека бил на тренинг со младинскиот состав на Ројал Антверп.
Тренерот и докторите веднаш пробале да му помогнат, по што тој бил однесен во локалната болница. Кога пристигнал, Џоел бил во критична состојба, и по еднодневна борба, починал вчера доцна вечерта.
Лобанзо имаше само 17 години.