Американскиот претседател Доналд Трамп редовно ги анимира корисниците на социјалните мрежи со неговите изјави и твитови, но за најновата атракција не мораше да каже низ збор.
Трамп вчера се појави во црква во Вирџинија со значително поразлична фризура од онаа на која светот е навикнат.
Тој стигна во црквата со капа на главата, облечен како за играње голф и многумина заклучија дека немал време да се преслече и да се среди. КОга ја извади капата, она што привлече најголемо внимание беше неговата нова фризура.
Трамп ја имаше зачешлано косата наназад, изглед што е толку ретро, што ни 80-тите не си го сакаат назад.
Корисниците на социјалните мрежи не можеа да се воздржат од коментари и споредби.
Едни сугерираа дека најверојатно се инспирирал од ликот на Мајкл Даглас во филмот „Wall Street“ од 1987 година.
Други не можеа, а да не го споредат со ликот на негативецот Биф Тенен од „Back to the Future“.
Имаше и такви кои коментираа дека овој изглед всушност повеќе му прилега на Трамп од неговиот вообичаен стајлинг.
Останува да видиме дали ова беше еден стилски излет на американскиот претседател или ќе ја задржи новата фризура.