Живот

Трамп: Грета личност на годината? Смешно е

13. декември 2019 - 16:48 | Б.С.Б.

Американскиот претседател Доналд Трамп смета дека е смешен изборот на Time за Грета Тунберг како личност на годината.

„Грета треба да проработи на нејзиниот проблем со контрола на бесот, а потоа со пријателче да си гледа добар стар филм“, напиша Трамп на Twitter, додавајќи „Олабави Грета, олабави“.

Не е првпат Трамп да изрази незадоволство што неговото влијание во светот не е признаено, пишува AP.

Во 2015 година германската канцеларка Ангела Меркел, кога беше прогласена за личност на годината, ја нападна дека ја „уништува Германија“. Таа година и Трамп беше еден од кандидатите за личност на годината.

Претходно, бразилскиот претседател ја критикуваше Грета и ја нарече детиште „piralha“.

Но, како реагираше младата Грета на таа провокација? Многу едноставно, на Twitter го измени делот кој се однесува на нејзините лични податоци и допиша „piralha“.

Магазинот Time ја прогласи Грета за личност на 2019 година поради нејзиното залагање против климатските промени. Девојчето успеа да го привлече вниманието на светските лидери, од кои ја доби поддршката, но некои сметаат дека е само разгалено дете кое бара внимание.

Канадската писателка Маргарет Атвуд ја спореди Грета со Јованка Орлеанка, а Грета влезе и во речникот Колинс поради идејата за климатски штрајк.

Коментирај