Американскиот претседател Доналд Трамп изјави дека рускиот претседател Владимир Путин, кинескиот претседател Си Џинпин, турскиот претседател Реџеп Тајип Ердоган и лидерот на Северна Кореја, Ким Џонг Ун, се „шахисти од светска класа“.
Говорејќи во сојузната држава Висконсин, Трамп го критикуваше својот противник на претседателските избори, Џо Бајден, оценувајќи дека доколку стане претседател тој нема да може да се справи со светските лидери, јавува TASS.
Според него, Бајден не може да соработува со нив како рамноправен партнер, затоа што, како што рече, „не е во своите најдобри години“.
Бајден, доколку биде избран, ќе биде најстариот претседател во историјата на САД, со 78 години.