Епска авантура обвиена во чудесна мистика е она што го ветува ноивиот трејлер за „Miss Peregrine's Home for Peculiar Children“, режиран сосема соодветно, од Тим Бартон.
Станува збор за екранизација на истоимената новела од 2011 од Рамсон Ригс, каде во центарот на приказната е момчето Џејкоб, кој го открива овој дом за исклучителни деца, воден од директорката г-ѓа Перегрин.
Секое од децата има свој талент, моќ или само е различно од она што би се нарекло нормално дете. Како што почнува да се разоткрива мистеријата околу ова место, доаѓа до израз опасноста со која се соочуваат.
Во најновиот филм режиран од Тим Бартон ќе ги видиме Ева Грин, Семјуел Л. Џексон, Аса Батерфилд, Џуди Денч, Крис О'Дауд и други. Сценариото е на Џејн Голдман, која во своето портфолио ги има Kick-Ass, Stardust, X-Men: First Class, X-Men: Days of Future Past, Kingsman: The Secret Service и други.
Премиерата на „Miss Peregrine's Home for Peculiar Children“ е закажана за на 30 септември, а во трејлерот погледнете што може да очекувате од оваа авантура:
