Кошаркарите на Пелистер со победа го отворија завршниот мини-турнир од регуларниот дел на сезоната во АБА2 лигата, откако попладнево во Широки Бриег со сигурна игра го совладаа Осијек со 97:78.
Македонскиот состав беше во резултатска негатива во речиси целиот прв дел од дуелот, но со серија од 5:0 во завршните минути го презеде водството и замина на полувреме со предност од 3 поени (45:42).
Клучна за конечниот триумф се покажа третата четвртина по која Пелистер поведе со 75:57 и рутински ја задржа предноста до крајот.
Најефикасни во редовите на Пелистер беа српските интернационалци Игор Кесар и Никола Малешевиќ со по 16 поени, додека најефикасен на паркетот беше домашниот играч Ѓорѓе Тополовиќ, босански интернационалец.
За битолскиот состав ова беше трета победа сезонава во АБА2 лигата со која Пелистер се искачи на 11. место на табелата, додека Осијек остана последнопласиран.
Табела: