Дури и ако сте совршен готвач, може во кујната постојано да правите една иста грешка без притоа да бидете свесни за тоа.
Одвоивме неколку совети како да ги избегнете или да не ги правите толку често.
Сировата и недоварена храна претставува опасност за здравјето, но и загорената храна може да го направи истото. Ако ја подготвувате храната на висока температура, може да ги препечете намирниците, а на тој начин се создаваат хемикалии кои можат да го зголемат ризикот од развој на опасни болести.
Освен што се заканува внесување на вишок несакани калории, се создаваат и хемикалии при пржење на висока температура. Акриламид е хемикалија која се користи најмногу во индустриското производство, како во производство на хартија, а се наоѓа во чадот на цигарите поради што сите пушачи и оние околу нив се изложени на хемикалии. Се создава и кога одредена храна што содржи скроб, како компири на пример, се пржи со многу масло.
Одреден број експерти во областа на кулинарството тврдат дека маслиновото масло престанува да биде здраво за нашето срце ако се загрева на многу висока температура, но порачуваат дека нема да ослободи штетни токсини во текот на загревањето.
Нутриционистката Бриџит Бенет вели дека маслиновото масло во текот на загревањето се распаѓа и голем број важни состојки како омега-3 масни киселини и антиоксиданси пропаѓаат во процесот.
Маслата како сончогледово, соино и пченкарно исто така се распаѓаат на високи температури и произведуваат потенцијално опасни хемикалии.
Но, не ги отфрлајте веднаш овие масла, може да ги користите за салати или намази.