Ако вежбате некое време, а резултатите не се видливи, големи се шансите дека сте „виновни“ за некои од овие фитнес гревови. Не грижете се, сите сме ги направиле барем еднаш.
Ги повторувате истите вежби, секој ден
Дали вежбате секогаш на истата опрема, или дали секогаш трчате по истата рута, ден по ден? Без разлика дали сакате да го подобрите темпото/издржливоста или да останете во топ форма, или едноставно да не си го саботирате вежбањето, важно е да вежбате разновидно. Покрај тоа што дејствувате на различни мускулни групи со различни вежби, избегнувањето на рутината ќе го направи вашиот тренинг позабавен. Ако секогаш правите исклучиво кардио вежби, пробајте пилатес за промена, на пример.
Калории по вежбање
Дали после напорен тренинг се наградувате со сладолед или некој друг десерт? Само затоа што сте одработиле солиден тренинг, не значи дека треба да го зголемите внесот на калории, особено ако вежбате за да изгубите неколку килограми. Наградете се понекогаш со некој десерт, но на дневна основа, обезбедете му на вашето тело доволно квалитетна храна што ќе ви даде енергија и што нема да му наштети во борбата против вишокот килограми.
Неправилно изведување вежби
Мислите ли дека сте на вистинскиот пат само затоа што се потите секој ден? Можебиа.. А можеби и сосема не сте во право. Многу фитнес тренери забележале дека луѓето често ги изведуваат вежбите на сосема погрешен начин. Многумина не знаат правилно да користат одредени справи, не знаат со кои тегови да вежбаат и кои помагала најдобро да ги користат за да ја постигнат посакуваната цел. Само затоа што редовно ја посетувате теретаната, не значи дека навистина придонесувате за благосостојбата на вашето тело. Дури и ако мислите дека знаете да вежбате, прашајте ги фитнес инструкторите за совет и не претпоставувајте, туку бидете сигурни.