Додека некои луѓе не можат ни да замислат да се отселат од родниот град или спонтано да го сменат работното место, други се просто родени за промени и авантури.
Ако погледнеме во нивните астролошки карактеристики, овие луѓе најчесто се личности родени во знакот Стрелец, Близнаци или Лав.
Ова се луѓе кои не само што со радост ги прифаќаат промените, туку најчесто се двигатели на промената. Расположени за авантура, за неочекуваното и возбудливите, припадниците на овие три знаци просто не знаат за страв.
СТРЕЛЕЦ
Стрелците секогаш копнеат да запознаат нови луѓе, да истражат нови места, па за нив промената на работното место или градот во кој живеат е возбудлива помисла. Обожаваат да ги тестираат сопствените граници, па не изненадува фактот дека меѓу вљубениците во екстремни спортови има најмногу Стрелци. Луѓето родени во овој знак едноставно обожаваат нови почетоци.
БЛИЗНАЦИ
Близнаците обожаваат постојано да ги прошируваат своите хоризонти. Со промената на просторот околу себе тие сметаат дека растат и преминуваат на друго ниво. Самостојни се и амбициозни, па речиси и нема ситуација која би им била туѓа. Не им е тешко да се снајдат во непозната средина, сакаат да запознаваат нови луѓе и да се пронаоѓаат себе си одново и одново. Тоа е всушност најголемата авантура за нив.
ЛАВ
Лавовите нема да се помислат два пати пред да одлучат да остават сѐ зад себе и да почнат од почеток. Ќе направат сѐ што е потребно да постигнат личен раст и развој, а нивната амбициозност постојано ги турка во нови авантури. За нив не постои комфорт зона или поточно кажано – знаат дека ќе се прилагодат секаде и со секого. Знаат дека со останување во едно место нема напредок, па затоа и најчесто самоуверено менуваат работни места.
