Понекогаш треба да мине подолго време за да сфатиме што навистина сакаме од љубовта и какви облици на однесување во врската се прифатливи, а на кои треба веднаш да реагираме.
Кои љубовни лекции жените ги учат предоцна?
1. Не кажувај „да“ кога всушност мислиш „не“
Во љубовните врски често правиме една иста грешка, се преправаме. Запаметете дека компромисот не е решение ако поради него се чувствувате несреќно. Немојте да се согласувате на работи кои ве прават незадоволни, немојте да глумите дека сте среќни ако не сте и немојте да кажете „да“ на предлози за кои претчувствувате дека сакате да ги одбиете.
Бидете свои и автентични во секој момент од врската, единствено така ќе може да ја постигнете вистинската љубовна среќна со партнерот кој ќе ја гледа вашата вистинска личност, а не онаа креирана посебно за него.
2. Вашата љубов не може да го промени
Додека партнерот не стане свесен за потребите за промена, нема љубов која ќе го натера да се промени. Промените може да бидат условени од надворешни фактори, но всушност доаѓаат од внатре.
3. Љубомората и посесивноста не се знаци дека ве сака
Многу жени ги доживуваат љубомората и посесивноста како потврда за љубов. Мала доза на љубомора е нормална во врската, но ако некој постојано ве контролира, сака да го знае секој ваш чекор и потег, ви брани да комуницирате со други, тоа е знак дека неговата љубомора не е здрава.