Осите не се „противник“ со кој сакате да си имате работа и препорачливо е да ги избркате што е можно поскоро пред да станат „лути“ и опасни.
Наместо да користите разни хемикалии кои не гарантираат успех, ви предлагаме неколку природни и едноставни начини како да го решите проблемот со осите.
Местата каде што се „собираат“ осите испрскајте ги со мешавина од вода и масло од нане во сооднос 1:5 и испрскајте го во воздух, а не директно на површината. Нането во саксии исто така ќе ги одврати овие инсекти. Помагаат и цитронелата, мајчина душица, каранфилче и здравец. Можете да користите свеќи со мирис на овие растенија или ароматични ламби за етерични масла.
Осите се собираат за да јадат, па еден начин да се спречи нивното појавување е покривање и складирање на храната во фрижидер или оставата. После јадење, веднаш отстранете ги празните чинии од масата и фрлете ги остатоците в ѓубре. Чувајте ги корпите за отпадоци подалеку од местото каде што седите или одмарате и задолжително спуштете го капакот.
Отсечете го горниот дел од пластично шише кое е затворено со затворач, свртете го наопаку како затворена инка. Подмачкајте ја внатрешноста на инката со масло, така што осите не можат да се искачат откако ќе паднат во стапицата.
Ставете мамка во средината, како месо или бонбони. Закачете ја стапицата на дрво или ограда подалеку од местото каде што престојувате.
