Доколку ви се чини дека во вашата врска нешто не е како што треба, веројатно е така. Доколку не сте сигурни дали треба да ставите крај на врската и да продолжите со животот, до одговорот ќе дојдете така што ќе си поставите неколку едноставни прашања.
Дали сум среќна?
Доколку одговорот е негативен, веројатно и самите знаете дека нема смисол да продолжите со таа врска. Доколку сте претежно среќни, но повремено се случуваат некои работи кои ве прават несреќни и повредени, ќе морате да одлучите дали сакате нешто да промените, да ја прифатите ситуацијата каква што е или да си заминете од таа врска.
Замислувате дека не сте во врска
Доколку веќе си го замислувате животот без партнерот, очигледно дека сте подготвени за раскинување. Доколку времето се повеќе го поминувате сами и не чувствувате грижа на совест, очигледно дека со раскинувањето нема да промените многу во вашиот живот.
Дали сум подобра личност без него?
Доколку кон самите себе, но и кон пријателите сте подобри кога сте сами, очигледно дека врската само ве ограничува.