За максимално искористување на овие овошја постои трик со кој при цедењето ќе добиете третина повеќе сок.
Обично микробрановата ја користиме за подгревање на оброците, одмрзнување на месо или правење пуканки. Веројатно веќе сте слушнале дека внатрешноста најлесно се мие со загревање на огноотпорен сад со вода, а многумина додаваат половина или барем парче лимон за подобар мирис. Но, имаме подобра идеја како да ги користиме и микробрановата и лимонот. Всушност, не само лимонот, туку и портокал или грејпфрут.
Ако сте меѓу оние што сакаат утрото да го започнат со чаша рачно цеден сок од портокал, тогаш овој трик е идеален за вас. Исто така и за оние што имаат навика да пијат лимонада рано наутро, која многумина ја препорачуваат како добра помош за слабеење. Овој трик всушност делува на сите цитрусни овошја, а неговата цел е да исцеди третина повеќе сок од вообичаеното.
Значи, што треба да се направи? Пред да започнете со процесот на цедење, ставете го овошјето во микробрановата. Во зависност од големината (односно дали е лимон, портокал или грејпфрут), загрејте го 10 до 30 секунди на средна температура. Потоа извадете го и оставете го да се излади на собна температура една минута и исцедете го сокот како и обично - треба да има повеќе сок од вообичаено.
