Никола Јокиќ со 121. трипл-дабл во кариерата влезе во историјата на НБА лигата.
Јокиќ натпреварот против Вашингтон го заврши со 21 поен, 19 скока и 15 асистенции и стана третиот играч во историјата на лигата кој има најмалку еден трипл-дабл против секој тим во НБА. Претходно тоа им успеало само на Расел Вестбрук и Леброн Џејмс.
Најефикасен во победата на Денвер беше Мајкл Портер Јуниор со 22 поени и 11 скока, одличен беше и Џамал Мареј со 18 поени и осум асистенции, а Арон Гордон постигна 17 поени. Двоцифрени беа и Кристијан Браун (12 п), Пејтон Вотсон (11 п) и Реџи Џексон (11 п).
Кошаркарите на Далас го совладаа Феникс со резултат 123:113 благодарение на уште една феноменална партија на Лука Дончиќ.
Одличниот Дончиќ постигна дури 41 поен со 9 скока и 11 асистенции, а голема помош имаше и од Кајри Ирвинг кој постигна 29 поени.
На другата страна Девин Букер постигна 35 поени, а Кевин Дурент постигна 23.
Со оваа победа, Далас седми последователен пат го престигна Феникс во поредокот и сега го зазема шестото место во западната конференција, последно кое директно води во плеј-офот.
