Социјалната мрежа Twitter синоќа соопшти дека итно и засекогаш го блокира Twitter профилот на претседателот на САД, Доналд Трамп.
Компанијата смета дека актуелниот претседател ги нарушил политиките на социјалната мрежа за насилството и дека постои ризик тоа да се повтори. Според неа, одлуката да се блокира профилот е донесена поради „ужасните настани оваа недела“.
-По внимателна проверка на последните твитови од @realDonaldTrump, и контекстот околу нив, ние засекогаш ја запираме работата на тој профил поради ризик од натамошно провоцирање насилство, се вели во соопштението.
Компанијата исто така објави резултати од анализа на последните два твита на претседателот и реакциите што тие ги оставиле кај некои корисници, според која „пораките можат да станат причина насилничките чинови во Капитолот на САД на 6 јануари 2021 година да предизвикаат мобилизација кај разни публики и да бидат повторени, затоа е донесена одлука за итно и постојано укинување на услугата“.
Трамп праќаше десетици твитови секојдневно, а во текот на претседателството објави повеќе од 26.000 пораки.
Претседателот веднаш реагираше на одлуката на Twitter. Во соопштение по овој повод тој истакна дека мрежата сака да го замолчи. Изјави дека преговарал со други веб страни и вети „големи објави наскоро“, како и тоа дека работи на изградба на „наша платформа“.
-Twitter не е за слободата на говорот. Тие работат за промоција на платформата на радикалната левица и дозволуваат слободно изразување на некои од најзлите луѓе во светот, истакна Трамп.
Соопшти и дека се обидел да го искористи официјалниот профил на претседателот на САД, но дека Twitter веднаш ги бришел и тие твитови. Подоцна беше блокиран и профилот на изборната кампања на Трамп.
Завчера, и Facebook го блокираше на неодредено време налогот на Трамп, а тоа го направија и други социјални платформи како Snapchat, YouTube, Reddit.
Twitter денеска објави дека отстранува профили чии сопственици шират содржини поврзани со радикалните десничарски групи како онаа на теориите на заговор QAnon. Неко