Поддржувачи на поранешниот претседател на Бразил, Жаир Болсонаро, упаднаа во Конгресот, претседателската палата и Врховниот суд, а глетките од таму потсетуваат на упадот во американскиот Капитол од страна на поддржувачите на Доналд Трамп пред две години.
По неколку часа полицијата ја успеа да постави контролата над зградите. Уапсени се над 400 луѓе.
Илјадници демонстранти ги преминаа барикадите, се искачија на покриви и ги кршеа прозорците за да упаднат во трите владини згради поврзани преку плоштадот во главниот град на Бразил.
Некои од нив повикуваа на воена интервенција за да се врати Болсонаро на власт, пренесе AP.
Тие не ги признаваат резултатите од октомвриските претседателски избори. Според прелиминарните податоци, во немирите учествувале околу 5.000 луѓе.
Бразилскиот претседател, Луис Инасио Лула да Силва, кој е на функцијата само една недела, синоќа од Сао Паоло изјави дека неговиот претходник од екстремната десница „ги охрабрувал фашистичките вандали“ да ги нападнат властите во Бразилија.
Лула донесе одлука за „полициска интервенција“ со вклучување полициски сили од целата земја за враќање на контролата и безбедноста во главниот град.
