Зоолошката градина во Скопје денеска понеделнички преку социјалните мрежи соопшти убава вест - ламите имаат подмладок.
Машко ламче кое го доби името Јоцо е најновиот жител на ЗОО Скопје.
Според информациите објавени на веб-страницата на ЗОО Скопје, ламите имаат долг врат и долги нозе, а куса опашка. Живеат во групи, хареми, составени од еден мажјак и неколку женки. Поради волнестото крзно, месото и кожата, на Андите ги одгледуваат како домашни животни.
Еден возрасен примерок има должина од 0,9 до 2 метри, тежина од 95 до 130 кг и опаш долг 24 сантиметри.
Ламите немаат статус на загрозен вид.
Фото: ЗОО Скопје