УЕФА е крајно огорчена од најавата на дванаесетте клубови за создавање на Супер лигата, па еден од многу чекори во борбата за стопирање на овој проект е и драконски мерки против сите учесници во оваа „паралига“.
Тие би ја раководеле Супер лигата, ексклузивно и затворено натпреварување за најдобрите и најбогатите кое на тој начин преактично би ја уништило Лигата на шампиони на УЕФА.
Токму затоа УЕФА најави жестоки казни за сите 12 одметници, но и за оние кои допрва ќе им се приклучат: исфрлање од националните првенства, како и забрана за нивните фудбалери да играат за репрезентациите.
Крис Вилиамс, дописник од УЕФА за Меѓународното здружение на спортски новинари, на својот Twitter прфил објави:
„На денешните разговори со луѓето од УЕФА се гледа дека постои желба 12-те клубови веднаш да се исфрлат од сите натпреварувања на УЕФА, како и на Реал, Барселона, Милан и Ливерпул да им се забрани да ги носат на дресовите почесните амблеми на УЕФА. Овде има многу бесни луѓе“.
Почесниот амблем на УЕФА е лого кое се носи на левиот ракав од дресовите и кои смеат да го имата само клубовите кои имаат освоено 5 титули во Купот на шампионите и Лигата на шампионите, или пак три титули во низа. Амблемот кој УЕФА им го доделува на клубовите содржи слика од пехарот во кој се наоѓа бројот на освоени титули од клубот.
Барселона во 2015 година со освојувањето на петтата титула шампион на Стариот континент стана последниот клуб кој стекнал право да носи ваков амблем. Им се приклучи на Реал (13), Милан (7), Баерн (6), Ливерпул (6) и Ајакс (4, но 3 по ред).
Со оглед на тоа што Баерн и Ајакс нема да бидат дел од Супер лигата, само овие два клуба ќе продолжат да го носат овој почесен амблем.
