The Wall Street Journal објави дека во четврток ќе има историски состанок меѓу УЕФА и EКA (Европска асоцијација на клубови). Состанокот бил скришно договорен од претходно, а дури сега „протекуваат“ информации во јавноста.
ЕКА сака да го смени форматот на Лигата на шампиони за да им одговара повеќе на богатите. Сакаат најголемите клубови да имаат сигурно место во натпреварувањето, а не да се борат за него преку националните првенства.
Така, едно од новите правила би можело да биде она за испаѓање од ЛШ и пласман во истото натпреварување. На тој начин тешко би се влегувало во ЛШ, но и тешко би се испаѓало, што ќе ја скрати можноста некој великан да остане без пласман.
„На помалите клубови ќе им биде многу потешко да влезат во Лигата на шампиони“, тврди изворот на The Wall Street Journal.
Другата промена е дека натпреварите од ЛШ ќе треба да се играат за викенди, а натпреварите од националните првенства преку неделата.
Истиот извор тврди дека овие промени нема да се случат до 2024 година, но и дека УЕФА била приморана да ги прифати, стравувајќи од Суперлига која би ја формирале самите клубови.
