Полицискиот оддел од Лос Анџелес во моментов го истражува исчезнувањето на еден од костумите на Iron Man, чија вредност се проценува на околу 325.000 американски долари.
Костумот исчезнал уште минатиот месец од магацинот во Лос Анџелес каде Marvel ги чуваат нивните костуми, но досега никој го немал тоа пријавено бидејќи сите вработени таму се надевале дека ќе биде пронајден.
Сопствениците на магацинот во вторникот го провериле целиот простор и не можеле да го најдат костумот, па решиле да пријават во полиција. Тие се сомневаат дека тој бил украден од магацинот, од страна на некој кој знаел дека таму се чуваат вредни работи на студиото Marvel.
Инаку, се работи за костум кој го носеше Роберт Дауни Џуниор во филмот „Iron Man“ од 2008 година. Тој е дел од филмскиот универзум на Marvel, а костумот кој исчезна е дел од култните почетоци на студиото, земајќи во предвид дека токму тој беше првиот суперхеројски костум кој фановите на оваа франшиза имаа шанса да го видат.
Роберт Дауни Џуниор оттогаш смени неколку костуми, а последен пат го видовме со новиот костум во филмот „Avengers: Infinity War“, кој и понатаму продолжува да ги руши рекордите на светскиот боксофис.
