Украина победник на Евровизија 2016-та

Песната „1944“ на украинската пејачка Џамала е победник на  Евровизија 2016 година. Тематиката на песната е контроверзна, се однесува на депортациите што Сталин им ги направил на кримските Татари во 1944 година.

Песната е напишана и изведена од Џамала, украинска пејачка со татарско потекло, инспирирана од приказната на нејзината прабаба за време на депортацијата на кримските Татари во Советскиот Сојуз, во текот на Втората светска војна. Џамала извојува победа во Стокхолм, Шведска со вкупно 534 поени.

Изведбите на Австралија и Русија се најдоа на второто, односно третото место. Австралија доби 511 поени, додека Русија доби 491 поени.