Шефот на украинската делегација во преговорите со Русија, Дејвид Арахамија, позитивно ја оцени улогата на рускиот олигарх Роман Абрамович во преговорите, со оглед на тоа дека првин делувал како „неофицијален канал за комуникација“.
„Всушност, да бидам искрен, неговата улога е многу позитивна. Но, не разбирам зошто почна да игра јавна улога. На самиот почеток беше дополнителен комуникациски канал, неофицијален канал што помага да се зборуваат сложени работи на нормален човечки, а не на дипломатски јазик“, изјави украинскиот преговарач.
„Тој повеќе не се ни крие, веќе е дел од лицата вклучени во преговорите“, рече тој.
Арахамија смета дека Абрамович се обидува да се позиционира како неутрална страна во преговарачкиот процес, пренесе Interfax-Ukraine.
„Иако не го доживуваме како неутрална страна, може да кажеме дека е понеутрална од официјалната страна на преговорите“, додаде шефот на украинската делегација.
