Ураганот Ирма донесе големи проблеми, предизвикувајќи голема материјална штета и оставајќи зад себе жртви и хаос.
Околината на Нејплс, Флорида и островите Флорида Кијс претрпеа огромни штети, а без струја останаа околу 4 милиони луѓе. Силниот ураган една од улиците ја претвори во плажа.
Се работи за државниот пат А1А, кој поминува долж Атлантскиот океан, од плажата Фернандина па сѐ Ки Вест. Патот по ураганот изгледа како плажа, бидејќи е прекриен со песок.
Американските медиуми пишуваат дека на улицата имало околу 30 центиметри песок, кој го донеле силните ветрови во текот на викендот.
Веднаш по крајот на бурата, локалците се зафатиле со чистење на песокот, а на помош им пристапиле и општинските служби. Градските власти проценуваат дека патот ќе биде затворен неколку дена.
Ирма е вториот силен ураган што ја зафати територијата на САД во само неколку недели. Претходно, ураганот Харви предизвика поплави во Хјустон и уништи повеќе од милион автомобили.