Компанијата Moderna ќе започне со тестирање на експериментална вакцина против ХИВ на луѓе.
Во првата фаќа на тестирање ќе учествуваат 56 здрави луѓе кои не се заразени со ХИВ, на возраст меѓу 18 и 50 години.
Целта на првата фаза е да се процени безбедноста на вакцината базирана на mRNA технологија и да се следи одговорот на имунолошкиот систем на човекот.
Ова тестирање доаѓа по повеќегодишно истражување на потенцијална mRNA вакцина, a Moderna и Pfizer се првите компании чии вакцини од овој тип се користат на луѓе. Вакцините се покажаа генерално успешни во борбата против коронавирусот.
Moderna всушност ќе тестира две различни верзии наречени mRNA-1644 или mRNA-1644v2-Core, а станува збор за првата mRNA вакцина дизајнирана за борбата против ХИВ.
Во тестирањето ќе учествуваат четири групи луѓе, две групи ќе примаат мешавина од различните верзии на вакцината, а две од втората верзија.
Првата фаза ќе трае околу 10 месеци, а потоа следат втората и третата фаза со фокус на ефикасноста на вакцината и спречување на зараза со ХИВ вирусот на пошироката популација.
Научниците се оптимисти особено затоа што станува збор за mRNA вакцина.
