Колку е неатрактивна македонската лига говори и зимското засилување на заспаниот џин Вардар кој се пофали дека се засилил со Хрват од италијанската четврта лига.
Станува збор за 25-годишниот Михаил Бришки кој игра во средниот ред со дефанзивни задачи и доаѓа од екипата на Санџулиано Сити, клуб познат само на страствените играчи на спортското обложување.
Таму заминал летоска и одиграл 19 натпревари во Серија Ди, италијанската четврта по ранг лига. Инаку, оваа лига е непрофесионална и сезонава има 167 клубови поделени во 9 групи, а Бришки во Вардар доаѓа од групата Ди каде неговиот Санџулиано Сити е 10-ти од 18 екипи.
Хрватот потекнува од младинската школа на загрепски Динамо, за кој никогаш не настапил на сениорско ниво, а потоа играл за хрватскиот второлигаш Сесвете и словенечкиот првоилигаш Табор.
Денеска Вардар објави дека се засилил и со гамбискиот напаѓач Кеба Кебел Сусо, кој доаѓа од словенечкиот второлигаш Јадран каде на 12 натпревари постигнал 7 гола и 2 асистенции.
