Тешко е да им се угоди на сите кога станува збор за температурата во домот или канцеларијата, бидејќи секој има лична перцепција за тоа која е идеалната.
Иако температурата од околу 22 степени се смета за нормална и прифатлива има и такви кои не мислат дека тоа е идеалната температура. Зошто е тоа така?
1. Перцепцијата на температурата зависи од полот и годините
Во суштина, на жените почесто им е постудено отколку на мажите, а повозрасните луѓе почесто се жалат дека им е студено, за разлика од помладите.
Мажите обично имаат повеќе мускулна маса и работата на нивните мускули создава топлина. Иако жените поинтензивно чувствуваат студено, тие подолго можат да го поднесат од мажите, поради балансираната распределба на мастите во телото.
Ако повеќе се движиме, рацете и нозете ни се потопли. Но, жените мора повеќе да работат за да ја одржат телесната топлина. Научници од Универзитетот во Јута измериле во просек температура од 32.3 степени во машките, а само 30,7 степени во женските раце. Телесата температура може да варира и во текот на менструацијата.
2. Чувството на ненадејна топлина може да укажува нa лошо здравје
Доколку често ви е ладно или имате ненадејни бранови топлина тоа може да биде знак дека имате некој здравствен проблем. Ова може да бидат симптоми на анемија, неухранетост или болест на тироидната жлезда.
Ако често имате зголемена температура и чувствувате студенило потребно е за тоа да разговарате со докторот.
3. За чувство на топло или студено причина може да биде и стресот
Караниците, бескрајните задолженија и преполнетиот календар со обврски може да влијае на чувството на температура. Нашето тело едноставно не сака стрес.
„Кога сме под стрес, автономниот нервен систем почнува да работи и крвта се насочува кон внатрешните органи. Тоа тогаш е во став бори се или бегај“, вели невропсихологот Мајкл Лин.
4. На перцепцијата за температура влијае и тоа колку сме среќни
Ако сме среќни и задоволни, температурата ќе ни биде океј. Научници од Универзитетот во Торонто открија дека луѓето кои се чувствуваат изолирано, осамено или депресивно често им е постудено.
Но, ако минуваме време со луѓе кои ни се допаѓаат, чувствуваме дека ни е топло.
