Лос Анџелес Клиперс ноќеска го победи Денвер Нагетс со 102:100, а Никола Јокиќ оствари нов трипл-дабл.
Со секој нов трипл-дабл српскиот ас е се поблиску до Расел Вестбрук, кој е прв на листата со 198 вакви партии, но одличниот бек, кој искрено веќе не е на нивото на кое беше, истакнува дека Јокиќ е одличен, но дека не е како него.
„Никој не е како мене, морам да ве запрам. Никола е неверојатен играч, но не е како мене, ниту пак јас сум како него. Тој е двоен МВП, тежок е за чување, неверојатен е асистент и се натпреварува секоја вечер, но вечерва бевме подобри. Тој има нереален кошаркарски коефициент на интелигенција, знае на памет каде се неговите соиграчи и одлично ја контролира брзината на играта“, заврши со пофалбите Вестбрук.
