Ручек или ужина на плажа е сосема нормална работа, но често во текот на летото може да слушнете дека по јадење треба да одморите малку, а не веднаш да пливате. Дали е тоа вистина?
Доктор Џим Кини, кој со години работи во брза помош во болница во Калифорнија, го даде одговорот на ова прашање, како и други корисни совети.
„Не постојат медицински докази кои укажуваат на тоа дека е неопходно да почекате најмалку 30 минути по јадење, пред да одите на пливање. Немало случаи, ниту докази кои сугерираат дека јадење непосредно пред пливање довело до тоа некој да се удави“, вели Кини.
Според него, ова е само мит кој се создал кога луѓето немале доволно знаење за тоа како всушност функционира човечкиот организам. Тогаш се сметало дека по јадење помалку кислород достигнува во рацете и нозете во текот на пливањето бидејќи стомакот е презафатен со варење на храната, што може да доведе до слабост и давење.
Јадење пред пливање, меѓутоа, може да биде опасно ако планирате да минете голема далечина или да пливате премногу брзо. Лесното, рекреативно пливање со пријатели по уживање во храна не претставува никаква опасност, но ако сте планирале нешто понапорно, подобро е да почекате малку.
„Ако по голем оброк следи напорно пливање тоа може да доведе до мачнина или повраќање“, објаснува Кими.
Препорачува да внесувате умерена количина намирници кои нема да го оптоварат вашиот организам.
До 70% од смртните случаи поврзани со рекреација во вода се случиле кога имало вклучено и алкохол. Затоа, воопшто не се препорачува консумирање алкохол додека сте на плажа или во базен, без разлика колку вешт пливач сте.
