Секоја парна година љубителите на фудбалот трпеливо ја чекаат пролетта и албумот на Panini, кој го исполнуваат со сликички од фудбалери.
Се купуваат сликички, се менуваат дупликати, а најголемите фанови го пополнуваат албумот до почетокот на првенството.
Осумгодишно момче од Бразил оваа година немаше среќа да го добие албумот со сликички на Panini за Светското првенство.
Поради тоа тој одлучи сам да го направи.
Со денови трпеливо работеше на албумот, а потоа започна со цртање на сликички од славни фудбалери, бидејќи неговата мајка не можеше да си дозволи да му купи албум и сликички.
„Кога го заврши, рече дека ќе го однесе во училиште, но се плашев дека ќе го исмеваат“, вели мајката на момчето.
Меѓутоа, на нејзино изненадување, другите деца во училиштето беа воодушевени од неговата изработка.
„Би сакал да сум креативен како него и да можам толку добро да цртам“, вели пријател на момчето, кој ја покажа својата креативност на дело.