Владата на вчерашната седница го разреши од должноста директор на Агенција за промоција и поддршка на туризмот Александар Донев заради невнимателно и несовесно работење.
Донев стана мета на јавноста откако од буџетот потроши 4.000 евра за лет со бизнис-класа до Аргентина за да го промовира туризмот, а за време на кусата директорска кариера патувал и на други далечни дестинации, како Јапонија.
Парите сè уште не се вратени. Непосредно по скандалот Донев рече дека ќе ги врати од свој џеб, но потоа изјави дека ќе ги донира, а јавноста за тоа ќе биде дополнително информирана.
