„Правото на протест е загарантирано со Уставот, кој во членот 21 вели дека граѓаните имаат право мирно да се собираат и да изразуваат јавен протест, а „заканите од страна СЈО упатени по одржаниот протест се уште еден чин кој се коси со највисокиот правен акт“, соопштуваат од ВМРО-ДПМНЕ.
„ВМРО-ДПМНЕ го разбира и поддржува револтот на охриѓани против политичката хајка која по нарачка ја спроведува селективното јавно обвинителство. СЈО е срам за правосудниот систем. Повикувањето на околу 200 лица само заради тоа што се членови на една политичка партија не е ништо друго туку дискриминација по политичка и идеолошка основа“, се вели во соопштението.
Од партијата, чии членови денеска протестираа пред просториите на полицијата во Охрид, сметаат дека СЈО аболира криминалци како Заев и Верушевски, а им се заканува на чесни луѓе чиј единствен грев е нивната политичко-идеолошка определба и тоа што одлучиле да донираат за сопствената партија.
„СЈО мора да почне да работи законски. Наместо да продолжува со заканите кон граѓаните, СЈО мора да истражи кој ја нарушува тајноста на истражната и предистражната постапка, постојано лиферувајќи информации по порталите под контрола на СДСМ/Сорос во врска со лицата кои се покануваат на распит“, се додава во соопштението.
