За возачите се најопасни наглите промени на условите за возење, односно кога после подолг сув период ќе почне постојано да паѓа дожд.
Најопасни се првите капки дожд кои се лоша комбинација со прашината.
Кога паѓа дожд, сообраќајот се одвива по влажни коловози и намалена видливост. „Ако ваквото време потрае уште неколку дена, потребно е да ги замените гумите“, вели директорот на Агенцијата за безбедност на сообраќај на Србија, Душко Пешиќ.
При вакви услови доаѓа до појава на аквапланинг. Аквапланингот е појава кога вашиот автомобил ќе налета на поголема количина вода и тркалата, односно гумите ќе изгубат директен контакт со подлогата – а во таква ситуација постои голем ризик.
Тој вели дека основната препорака е да држите растојание и да биде минимално една третина од брзината во километри изразени во метри. „Значи, ако возите 100 км/час, 30 до 33 метри треба да изнесува растојанието меѓу возилото за да може да видите што прави возачот пред вас и да може да закочите. На влажните коловози освен што доаѓа до проклизување, потребно е и повеќе време да закочите и тоа треба да го знае секој возач“.
Додава дека и при појава на вода на коловозот може да дојде до губиток на стабилност и потребно е возачите постепено да ја намалуваат брзината.
Маглата исто така може да биде проблем бидејќи може да ја намали видливоста на само десет метри. Во таквите услови најважно е да се прилагоди брзината според условите на видливост и да се вклучат светлата за магла.
Тој додава дека доколку ваквото време потрае уште неколку дена, потребно е да се заменат гумите бидејќи кога температурата е пониска од 7 степени, летните гуми ги губат своите својства, мекоста и стануваат цврсти.
Во нашата држава, сè уште нема ваква препорака, но добро е да ги запомните горенаведените совети за да избегнете ризик на патот.
Погледнете го видеото во кое се објаснува што претставува аквапланинг: