Еден од најголемите дијаманти во светот е пронајден во Боцвана. Станува збор за дијамант од 1.174 карати, пронајден минатиот месец.
Според канадската рударска компанија Lucara Diamond, која го пронашла, ова е втор по големина дијамант пронајден во Боцвана. Ова е и трет дијамант со повеќе од 1.000 карати што е најден во оваа област, а ќе стане дел од вредната колекција на дијаманти.
Минатиот месец во оваа земја беше пронајден дијамант од 1.098 карати за кој се верува дека е трет по големина во светот.
На презентацијата на еден од најголемите дијаманти во светот присуствуваше и претседателот на Боцвана, Мокгуееси Масиси. Извршниот директор на Lucara Diamond, Насим Лахри, рече дека пронајдокот е „нова историја“ и за нив и за Боцвана. Тој истакна дека станува збор за висококвалитетен дијамант.
Пред две години, истата рударска компанија пронајде дијамант од 1.758 карати во истата област на оваа африканска земја, за кој се претпоставува дека е втор по големина во светот. Најголемиот дијамант на светот е пронајден во 1905 година во Јужна Африка. Тоа бил дијамант од 3.106 карати, кој потоа бил исечен на помали парчиња. Некои од овие делови се дел од круната на британското кралско семејство, пишува CNN.