Океанографот Мирко Орлиќ смета дека Јадранското Море на многу начини не е во опасност од цунами, особено централниот и северниот дел на Јадранот. Но, таму имало драматични моменти во историјата.
Орлиќ во јавување во живо во програмата на хрватската N1 рече дека земјотресите како денешните, со јачина од 3 или 4 степени, не се невообичаени.
„Како што знаете, максималната магнитуда беше 5,5 и после тоа имаше последователни удари. Значи, ова е нешто што било забележано и претходно. Имаше многу посилни земјотреси, особено во јужниот дел на Јадранот, каде што магнитудата се искачи на 7 “, рече тој.
Орлиќ смета дека магнитуда како на денешните земјотреси е премала за дасе развие цунами:
„Штом магнитудата падне под 6, цунами веројатно нема да се случи. Постојат исклучителни случаи на одрон, па цунами, но тоа е исклучително ретко“.
„Јас и Мира Пасариќ работевме со колеги од Италија на каталог за цунамија што опфати околу 500 години наназад, и откривме 27 случаи на цунами во Јадранско Море во текот на тие 500 години“, рече тој.
Кога би дошло до цунами од хрватската страна, тој објасни дека хрватскиот брег ќе биде во многу подобра ситуација од италијанскиот.
„Најсилното цунами што го имаме во каталогот е она од 1627 година, што го погодило полуостровот Гаргано од италијанска страна, а висината на бранот била околу десет метри“, рече тој, додавајќи дека откриле колкав бил рекордот и на спротивната страна :
„Едно од најголемите цунами од наша страна е од времето на земјотресот во Дубровник од 1667 година. Тогаш висината на бранот била шест метри“.
„Островите штитат од бранови, има рефлексија и прекршување на тие бранови“, рече тој, давајќи друга причина зошто оваа страна на крајбрежјето е подобро заштитена.
„Имаме записи за цунами во последните 100 години. Најсилниот беше поврзан со црногорскиот земјотрес, познатиот од 1979 година. Тогаш висината на бранот беше околу половина метар, иако има индиции дека на некои места била многу поголема“, објасни Орлиќ.
Јосип Штипчевиќ, доктор по геофизика и сеизмологија, за појавата по земјотресот во Дубровник во 17 век смета дека „од записите не е јасно дали тоа навистина било цунами или некоја друга пропратна појава на земјотресот.“