Сексот веќе одамна не е табу тема, а во изминатите години сè почесто се зборува на овие теми во обид да се нормализираат.
Има многу луѓе кои имаат повеќе сексуални партнери во текот на животот, а истражувањата покажаа дека просечната индивидуа има девет сексуални партнери во текот на животот, а бројките на оваа тема доследно се собираат од 2005 година.
Просечниот број на сексуални партнери може значително да варира од земја до земја, бидејќи културните норми може да имаат значително влијание врз бројот на луѓе со кои некој има секс.
Во просек, турските граѓани имаат најголем број сексуални партнери во текот на нивниот живот. Просечната индивидуа во Турција има 14 сексуални партнери. Има уште неколку земји во кои луѓето имаат 13 или повеќе сексуални партнери, во просек, во текот на нивниот живот. Тоа се Исланд, Нов Зеланд и Австралија. Иако во овие земји има луѓе кои немаат ни приближно толку сексуални партнери, овие бројки претставуваат просек.
Од друга страна, има неколку земји во кои луѓето имаат тенденција да немаат многу сексуални партнери. Во Индија, просечниот човек има само три сексуални партнери во текот на својот живот. Ова може да биде затоа што во Индија постојат строги правила за брак. Има уште неколку земји каде што луѓето имаат многу малку сексуални партнери. Луѓето кои живеат во Хонгконг, Виетнам и Кина имаат тенденција да имаат помалку од четири сексуални партнери во текот на нивниот живот.
Македонија, Босна и Херцеговина, Србија, Црна Гора и Словенија не беа вклучени во ова истражување. Од овие простори, опфатена беше Хрватска - земјата се најде на 25 место со просечен број од 7,5 партнери во текот на животот.
