Франческо Камарда има само 15 години и веќе го сметаат за најголем талент на италијанскиот фудбал.
Според годините, само од неодамна припаѓа во кадети, но веќе настапува за јуниорскиот тим, односно познатите примавера. Пред да им се приклучи на четири години постарите играчи, тој постигнуваше во просек по 5,5 голови по натпревар.
Откако тренерот на јуниорите, Ињацио Абате, го додаде во својот тим, Камарда стана најмладиот играч во историјата кој постигнал гол во сите три натпреварувања до 19 години (лига, куп и младинска Лига на шампиони).
На 19 септември во младинска Лига на шампиони постигна 2 гола во 4:0 победата на Милан над Њукасл и стана најмлад Италијански стрелец во ова натпреварување со 15 години и 193 дена.
За него се пишува веќе неколку години откако беше забележан од скаутот Франческо Пагани, познат како Шаболата Морбида, а за него се интересираат и европски великани. Инаку, првите фудбалски чекори ги направил во фудбалската школа Афорезе.
Камарда сѐ уште нема професионален договор бидејќи нема ни 16 години, а Милан реши да потпишат таков во март 2024 година. Сепак, чудото од дете и неговото семејство ќе имаат можност да прифатат уште една понуда, со оглед на тоа што наводно за него се заинтересирани Манчестер Сити и Борусија Дортмунд.
