Необичен момент се случи синоќа на фудбалски натпревар од локалната оштинска лига во скопската населба Пржино кога параглајдерист слета на тревата додека натпреварот беше во тек.
На стадионот „Јован Мандаровски“ во населбата Пржино во неделата од 14 часот копјата ги вкрстија локалната Славија, стар клуб формиран во далечната 1919 година, и штотуку формираниот Слободен.
Додека се играа последните моменти од првото полувреме сите присутни забележаа на небото необична глетка: параглајдерист како полека се спушта и тоа како да цели токму кон теренот каде растрчани беа 22 фудбалери. Како сето тоа да беше изрежирано - главниот судија свирна полувреме, играчите почнаа да се тргаат од теренот, а параглајдеристот успешно изведе слетување и се упати зад едниот гол.
Од гостинскиот табор се шегуваа велејќи „ни дојде засилување“, поради фактот што имаа само 11 играчи и немаа замени во случај на повреда или замор.
@fksloboden a parachutist landed on our match. 4 League offers us new excitement! #fyp #football #macedonia #sloboden #fy #foryou #pov #viral #extreme ♬ Unstoppable - Sia
Инаку, овој натпревар од 3. коло во општинската лига на Кисела Вода заврши без голови иако домашната Славија жестоко притистикаше, а неискористи и удар од белата точка во 82. минута кога гостинскиот голман со добра проценка одбрани.
Двата клуба имаа навистина интересни најави рекламирајќи го натпреварот: