Компанијата Volkswagen го откри изгледот на осмата генерација на својот легендарен моќен хетчбек, а тоа е Golf GTI.
Екстериерот на автомобилот има неколку клучни карактеристики по кои GTI се разликува од стандардниот Golf.
Напред е стандардната осветлена трака над решетките на ладилникот која ги содржи црвените детали кои се специфични за GTI.
Новите опционални ЛЕД светла на браникот се уникатни.
Внатрешноста има повеќе промени бидејќи новиот 10-инчен infotainment систем е позициониран над централната конзола, а тука е и дигиталниот кластер и амбиенталното осветлување со 30 различни бои.
Volkswagen ги задржа традиционалните седишта со црвен конец и црвени детали кои се специфични за GTI.
Новиот GTI го придвижува 2,0-литарски четирицилиндричен мотор со 6-степен мануелен менувач или седум-степен DSG менувач со дупло квачило. Овој мотор испорачува 241 коњски сили и 370 Nm максимален вртежен момент.
Сè уште не се познати сите детали кои се однесуваат на перформансите и на цената на новиот Golf GTI, a тоа ќе се знае наредната недела откако ќе биде преставен на Саемот за автомобили во Женева.