Изгледа дека ништо не може да го запре Volkswagen, бидејќи и по скандалот Дизелгејт нивните возила се продаваат дури и подобро од претходно. Германскиот гигант постигна квартален рекорд на продажба уште во првиот квартал од годината.
Во првиот квартал од 2018 година Volkswagen ја зголеми продажбата на рекорден број возила, вкупно 1,53 милиони, а само во март продаде 584.700 автомобили, што самото по себе е рекорд благодарение на растот на продажбата од 4,9% во однос на март месец минатата година.
Кон рекордот многу придонесе успешната продажба на германските возила во Кина и САД, што е изненадувачки факт поради контроверзните настани кои ја врзуваат германската компанија со овие земји.
Кварталните испораки на Volkswagen пораснаа за 5,9%, а во Кина, која е воедно и најголемиот пазар на германската компанија, беше забележана експанзија од 8,6% на зголемување на испораката.
Остатокот од Volkswagen Group, на која ѝ припаѓаат SEAT, Skoda, Lamborghini, Bentley, Porsche и Bugatti го зголемија оперативниот профит во минатата година скоро двојно, и покрај скандалот поврзан со емисија на штетни гасови.
