Израелската полиција вчера соопшти дека Палестинка, која наводно планирала да изврши напад со нож, е убиена на контролен пункт во Ерусалим.
Таа била убиена од чувар на контролниот пункт Каландија, кој забележал дека носи нож.
Полицијата подоцна соопшти дека е убиена 28-годишна Палестинка.
Каландија е главниот премин преку кој палестинските жители од Западниот брег влегуваат во Израел, главно оние кои одат во Ерусалим.
Контролниот пункт го чуваат приватни компании за безбедност, а израелската полиција е распоредена таму по насилните инциденти.
Официјалната палестинска новинска агенција Вафа вчера јави дека израелските сили го затвориле преминот од двете страни.
