Родителите кои ги игнорираат своите деца и користат телефон наместо да им обрнуваат внимание, ги повредуваат детските чувства и ги изложуваат децата на ризик од депресија.
Кинески истражувачи проучуваа 530 ученици на возраст меѓу 10 и 18 години за да видат дали биле жртви на родителско игнорирање поради употреба на телефон.
Децата кои имале родители опседнати со телефон покажале поголеми симптоми на депресија во за разлика од оние кои добиле родителско внимание.
„Станува збор за феномен во кој родителите ги користат своите мобилни телефони во интеракции меѓу родителите и децата при што детето се чувствува исклучено“, објаснуваат истражувачите во студија објавена во TheJournal.
Примери на вакво однесување вклучуваат редовно проверување на телефонот во текот на оброк и можност секогаш да го видите екранот и нотификациите кои ви пристигнуваат. Во кинеската студија, учесниците пополниле анкета во која ја рангирале нивната перцепција за родителска топлина и отфрлање.
Децата во студијата биле на возраст од 10 до 18 години, со просечна возраст од 13 години. Прашалникот вклучувал различни прашања за процена на употреба на телефоните на нивните родители. Потоа на децата им бил даден посебен прашалник за процена на нивото на депресија.
Истражувачите објасниле дека во истражувањето поставиле 20 прашања и дека учениците ги рангирале симптомите на депресија на скала меѓу 1 и 4. Кога ги процениле резултатите, откриле дека колку повеќе време родителите минуваат на нивните уреди кога се во близина на децата, поголема е веројатноста децата да развијат депресија.
Децата на родители кои минувале големо време гледајќи во телефон се чувствувале отфрлено и доживувале помалку топлина од страна на родителите, за кои мислат дека се повеќе заинтересирани да гледаат во екран отколку да комуницираат со нив, пишува Daily Mail.
