Во текот на ноќта и утре, особено претпладне, на повеќе места ќе биде нестабилно со пороен дожд и грмежи.
Управата за хидрометеоролошки работи (УХМР) соопшти дека во вечерните часови ќе има услови за изолирана појава на нестабилност со краткотраен пороен дожд и ретки грмежи.
Во текот на ноќта и утре, особено претпладне, на повеќе места ќе биде нестабилно со пороен дожд и грмежи.
Локално процесите ќе бидат поинтензивни, во форма на невреме со обилен пороен дожд, електрични празнења, засилен ветер и услови за појава на град. Дневната температура ќе опадне за околу шест степени.
Потоа, најавува УХМР, следува период на стабилно и топло време, освен во среда, кога ќе има услови за локална нестабилност.
