Децата кои поминуваат часови пред екраните би можеле побавно да научат да решаваат проблеми и да комуницираат, предупредува едно истражување.
Научниците велат дека колку повеќе едногодишните деца гледаат во екраните, толку е поголем ефектот врз нивниот развој.
Оние што гледале телевизија или таблет повеќе од 4 часа дневно во текот на првата година од животот доживеале доцнење во развојот. Меѓутоа, по четвртата година, нивните социјални и лични вештини и решавање проблеми се совпаднале со нивните врсници.
Експертите забележале дека јазичните вештини на некои деца се подобриле доколку нивните екрани се користеле за едукативни цели. Истражувањето на 7.097 деца беше спроведено од Универзитетот „Тохоку“ во Јапонија. Родителите пополнувале прашалници пратејќи го развојот на нивното дете.
Авторот на студијата, д-р Таку Обара заклучи: „Подолгото време пред екран на возраст од 1 година беше поврзано со развојни одложувања во комуникацијата и решавањето на проблемите на возраст од 2 до 4 години“.